Commons:Centru di coordinazzioni dê traduzzioni

Wikimedia Commons è un pruggettu multilingui, quinni è nicissariu ca li nfurmazzioni sìanu dispunìbbili ntê diversi lingui parrati dê participanti a Wikimedia Commons. La scrittura e la traduzzioni dê pàggini d'aiutu e di struzzioni risùrtanu migghiuri si s'havi n'idìa cumplissiva dâ struttura e dâ rilivanza c'hannu li pàggini, p'evitari d'aviri dô travagghiu doppiu e quinni nùtili. Affinchì tali pàggini sìanu rialmenti ùtili, è nicissariu un travagghiu custanti di manutinzioni e aggiurnamentu. Pirtantu è nicissariu un Centru di coordinazzioni dê traduzzioni, cu arcuni règuli a prupòsitu.

Sizzioni dê pàggini d'aiutu

1. Pàggini ntruduttivi
2. Pàggini supra la liggislazzioni
3. Chiossai pàggini chiavi d'aiutu
4. Principali pàggini dâ cumunitati
5. Pàggini agghiuntivi
6. Ntirfaccia di Wikimedia Commons

Règuli di basi

Scrittura dê pàggini

1. Nun criari duplicati nùtili: Manteni vasciu lu nùmmiru di spazzi dê noma (namespace) Commons: e Help:. Pàggini supra l'argumenti Aiutu, Struzzioni, Pruggettu, Cullàbbura e sìmili, ca nun sunnu spicificamenti rifiruti a Wikimedia Commons, nun attròvanu spazziu nta Wikimedia Commons. Suprattuttu pàggini a prupòsitu di software sunnu duplicati evitàbbili e sunnu cancillati o spustati nta MediaWiki, unni è prisenti un multilingui e sempri aggiurnatu Manuali di MediaWiki.
2. Quannu crei na pàggina nova: Si voi accuminzari a scrìviri na pàggina a prupòsitu di n'argumentu, è mpurtanti ca fai attinzioni ca nun esisti già na pàggina anàluga. Esìstinu nfatti tanti pàggini doppii o assai sìmili: cunzìdira si è apprupiatu unìrili.
3. Spazziu dê noma (namespace): Tutorial e artìculi d'aiutu tècnicu hannu a èssiri cullucati ntô spazziu dê noma Help:. Pàggini di struzzioni, pàggini dê pruggetti, pàggini supra la liggislazzioni, pàggini dô Centru di coordinazzioni dê traduzzioni e àutri pàggini ca nun s'adàttanu altrovi hannu a èssiri cullucati sutta lu namespace Commons:.

Traduzzioni dê pàggini

1. Accumenza cu pàggini aggiurnati: Nun accuminzari a tradùciri na pàgagina ch'è obsuleta pirsinu n ngrisi, autrimenti sprechi tò tempu prizziusu. T'addumannamu sempri ch'è prima aggiurnata la virsioni ngrisa: chistu nun diminuisci la mpurtanza dâ traduzzioni dê pàggini d'aiutu ntâ tò lingua. T'addumannamu noltri d'aiutàrini a rènniri sta sizzioni chiù nfurmativa e aggiurnata pussìbbili, n manera ca lu tradutturi/traduttrici saccia nta chi dirizzioni cuncintrari li propi enirgìi.
2. Accumenza chê pàggini principali: Accuminzari na traduzzioni nova cu pàggini chiavi di ntruduzzioni è autamenti raccumannatu, poichì è zocchi l'utenti vìdinu e dê quali hannu bisognu prima, quannu tràsinu a fari parti di Wikimedia Commons. Si sunnu quinni n gradu di lèggiri li pàggini ntruduttivi ntâ sò lingua matri, sunnu verusimilmenti megghiu disposti ntê cunfronti di Wikimedia Commons. Senza dubbiu tali pàggini hannu na visibbilità àuta, quinni è prubbàbbili ca un nùmmiru maiuri di pirsuni havi accessu ô travagghiu di traduzzioni dô restu dê pàggini nta na lingua data.
3. Barra dê lingui: Traduzzioni sìnguli n diffirenti lingui sunnu ntra d'iddio cunnessi pi menzu dûn template ({{Lang-NOME}}) ch'è visìbbili ntâ parti supiriuri d'ogni pàggina e furnisci culligamenti a ogni virsioni sìngula di dda pàggina, usannu li noma dê diversi lingui comu discrizzioni.
4. Règuli pi "Commons-ISOCODE" e na catigurìa p'ogni lingua: Li stissi pàggini d'aiutu traduciuti sunnu catigurizzati sutta na catigurìa Commons-ISOCODE. Pô sicilianu sta catigurìa-ràdica è Category:Commons-scn, a sò vota cugghiuta nta Category:Commons (nun agghiùnciri traduzzioni ê suttaliveddi di l'àrvulu n lingua ngrisa; p'esempiu Category:Commons help è pê suli artìculi n lingua ngrisa.
5. Catigurìi glubbali di Wikimedia Commons: Sunnu prisenti diversi catigurìi n Category:Commons ca nun foru traduciuti (tutti li catigurìi n Category:Commons maintenance content, ch'è usatu pâ manutinzioni ginirali di Commons), n quantu rinnissi la coordinazzioni di Wikimedia Commons mpussìbbili. Pûn quatru cumpletu dê meta-catigurìi di Commons talìa Commons:Category scheme Commons maintenance/scn. T'addumannamu d'agghiùnciri ccà suttacatigurìi evintuali ca ti sèrvinu e etichèttali cô sò template.
6. Pàggini glubbali di Wikimedia Commons: Àutri pàggini funnamintali di manutinzioni di Wikimedia Commons comu Commons:Deletion requests (addumannata di cancillazzioni) nun ponnu èssiri traduciuti e hannu a ristari nicissariamenti n ngrisi. È comuegghiè accittata la traduzzioni di l'header di sti pàggini ntâ tò lingua, n manera ca li pirsuni pòzzanu aviri nfurmazzioni d'aiutu di basi ntâ sò lingua.
7. Pàggini di discussioni: Ci sunnu svariati pàggini cintrali di discussioni, comu Commons:Village Pump ca sunnu iddi stissi traducìbbili. Nn'è comuegghiè cunzigghiata la traduzzioni n àutri lingui e ntirculligàrili comu discrivutu abbasciu. È n ogni casu nicissaria attinzioni granni a prupòsitu: si crei na pàggina di stu tipu ntâ tò lingua, sî tinutu â sò manutinzioni e a tèniri accura ca li pirsuni pòzzanu cunzurtari arrispunnuti evintuali ntôn tempu raggiunèvuli: si l'ùrtima discussioni agghiunciuta ntôn tipu dô gèniri di pàggina acchiana a chiù dûn misi prima, lu sò culligamentu ntô template dâ lingua veni spustatu nta na sizzioni a parti (talìa abbasciu), finchì quarchidunu nun accumenza a usàrilu arrè rigularmenti. Stu gèniri d'azzioni di siparazzioni e ammucciamentu risurta nicissaria, n quantu l'utenti risurtàssiru frustrati o n ogni casu pirchì li sò addumananti nta dda sizzioni nun vinìssiru nutati di àutri.
8. Pàggini prutiggiuti: Nzirisci l'addumannata ntâ pàggina di discussioni e nzirisci lu template {{Editprotected}}. L'amministratura cuntròllanu l'addumannati di canciamentu prutiggiutu di sviluppari.

Translation maintenance rules

Si la traduzzioni di na pàggina canciata friquentimenti nun veni aggiurnata, nun risurta chiù d'aiutu e è simplicimenti arrimazzanti. Cunnuci ntô peiu dê casi a situazzioni di cunfusioni, erruri di parti di l'utenti e frustrazzioni. Nta l'òttica quinni di dari ê littura na scigghiuta giusta, senza ca si cridi ca sulu li pàggini n ngrisi sunnu aggiurnati, vulennu arridùciri lu supèrfluu, sunnu nicissarii arcuni règuli di nclusioni ntô template dâ lingua n testa â pàggina:

1. Si un template dâ lingua cunteni chiù di venti culligamenti a pàggini e na pàggina traduciuta rilativa nun veni aggiurnata e/o rivista intra un misi di l'ùrtimu canciamentu dâ virsioni ngrisa, lu sò culligamentu ntô template dâ lingua è spustatu a na sizzioni siparata, sutta li traduzzioni di aggiurnari, comu si vidi ntô Template:Lang-mp, finchì nun fu novamenti aggiurnata e lu sò canciaturi/rivisuri cunferma l'aggiurnamentu avvinutu (talìa lu puntu succissivu).
2. Li pàggini vennu rivisti ntê sizzioni di traduzzioni n rilievu (talìa susu). N'utenti ca aggiorna/rivisiona na pàggina duna un votu brevi câ propia firma, doppu lu còdici dâ lingua dâ traduzzioni n rilievu (e leva firmi vecchii evintuali).