User talk:Psiŏczek
 First steps tutorialOur first steps tour and our frequently asked questions will help you a lot after registration. They explain how to customize the interface (for example the language), how to upload files and our basic licensing policy (Wikimedia Commons only accepts free content). You don't need technical skills in order to contribute here. Be bold when contributing and assume good faith when interacting with others. This is a wiki.  Getting helpMore information is available at the community portal. You may ask questions at the help desk, village pump or on IRC channel #wikimedia-commons (webchat). You can also contact an administrator on their talk page. If you have a specific copyright question, ask at the copyright village pump. |
 Goodies, tips, and tricks
 Made a mistake?
|
-- Wikimedia Commons Welcome (talk) 12:47, 11 January 2021 (UTC)
"Polskŏ" i ślōnske miana miast
[edit]Pyrsk, jeżech rŏd, iże tukej mōmy ślōnskigo używŏcza, kery sie starŏ robić mapy po ślōnsku. To je fest przidajne, ale kej to robiymy, było by dobre to robić do porzōndku a dŏwać sie pozōr przi tumaczyniu, niych to bydzie akuratne i kōnsekwyntne, co na żŏl na twojich mapach niyma dycki.
File:Karta Ślōnska.svg – poradzisz mi wytuplikować, skany żeś wziōn formã Polskŏ? Naprŏwdy gŏdajōm podug ciebie Ślōnzŏki Polskŏ, do Polskij, z Polskij, we Polskij? Dyć to –ŏ je kōńcōwka ôd żyńskich adjektiwōw, tak jak biołŏ – biołyj, srogŏ – srogij itd. Polska je Polska, do Polski, we Polsce. Co je to Ślōnska Środa? Jeźli już chcymy miano tego miasta poślōńszczyć, to bydźmy kōnsekwyntni a zrōbmy Ślōnskŏ Strzoda. Z jednyj strōny dŏwŏsz hiperpoprawne Polskŏ, co żŏdyn niy gŏdŏ, z drugij jakiesi pōł-ślōnske formy typu Ślōnska a niy wiysz, że miast polskigo śr–, źr– mōmy strz–, zdrz–. Tworzisz neologizmy we stylu Lelyniŏ Gōra abo Grinberg, kere snŏdź ôkrōm twojich map nikaj niy egzystujōm, a we tym samym czasie piszesz Głogōw, chocia wiymy, iże we ślōnskim we takich miejscach Ł rado ôdpadŏ i tak jak mōmy Gogōwek, tak by my mieli mieć logicznie aji Gogōw, kej już te dolnoślōnske miasta tyż tumaczymy.
File:Cieszyński Ślōnsk.png – zajś ta cudacznŏ Polskŏ, ale co ku tymu za dziwy i niykōnsekwyncyje... Ustrōnie, kaj żeś nalŏz takõ hiperpoprawnõ formã? Na Cieszyńskim Ślōnsku mōmy porã takich miejscowości, co ôny majōm oficjalnõ nazwã typu Pogórze, Zaborze, Zawodzie, Zarzecze, a ludzie stela prawiōm: Pogōrz, Zŏbōrz, Zŏwōdź, Zŏrzycz. Na starych niymieckich mapach idzie sie ôboczyć te miana zapisane Pogorsch, Zaborsch, Zarzicz, co tyż pokazuje, iże sōm ôny pierwotne i to –e prziszło dziepro z polonizacyjōm. Nale przi Ustrōniu sie z jakigoś powodu stare ślōnske miano ôstało. Tyn Ustrōń jak gŏdali starziki stamtela, niy to Ustronie, chocia drugŏ forma by była richtig po polsku. Niykere take nazwy sie ôstały, bez tyn przikłŏd Żory. Kiejsi Polŏki pisali Żary, nale potym wziōni jako ôficjalne ślōnske miano. Tak samo ôstoł sie pomorski Stargard miast polskigo Starogród abo łymkowskŏ Piwniczna miast polskigo Północna. Mieli by my być tymu radzi, a niy wyciepywać ôryginalne nazwy, bo sōm ôficjalne, tōż na zicher polske. Dalij: Wiedzioł'ś, że Karwinŏ je po ślōnsku adjektiwum, brawo, Karwinŏ – do Karwinyj prawiōm ludzie stela. Nale Ôrłowŏ je ta sama kategoryjŏ! We Ôrłowyj cosi je bo Ôrłowŏ, ale we Ôstrawie bo Ôstrawa, ô to z tym znaczkym nad O chodzi. Jeszcze ku tymu Y we słowie Strumiyń żeś przepōmnioł, to je ale już drobność. Na mapie, kaj żeś sie inspirowoł mojōm już tego feleru niy mŏsz.
Na kōniec jeszcze jedna rzecz, to niy ma źle, ale ani jŏ, ani Kulik, ani Wanot, ani pomału żŏdyn ôkrōm ślōnskij Wikipedyje niy dŏwŏ –y we nazwach typu Katowice, Gubczyce, Glywice. To, że to nasze E je wōnske i brzmi inakszy jak polske, to je problym Polŏkōw, niy nasz. Niymiecke E tyż mŏ inkszy klang, czeske mŏ kapkã inkszy itd., tōż je bez synsu to tak ôznaczać, kej –y we tym miejscu niy mŏ etymologijnego uzasadniyniŏ i wyglōndŏ ku tymu ôszkliwo choby walijskŏ ôrtografijŏ ;)
Niy piszã to wszyjsko po to, abych cie ôdradziōł ôd robiyniŏ wiyncyj map i pisaniŏ po ślōnsku, super, że chcesz, ale weźnij, proszã, pod uwagã, co'ch tu napisoł, poprow te felery i starej sie dŏwać wiynkszy pozōr przi edycyjach i wiyncyj kōntrolować niykiere rzeczy we zdrzōdłach, zaczym zaczniesz sōm cosi wymyślać :) Gaj777 talk 23:19, 1 March 2021 (UTC)
- Na ja, niystety jak wiymy (abo niy wiymy?) „Ślůnsko Wikipedyjo“ je dziełym ze srogij tajle kurjozalnym napisanym we jakimsi cudacznym esperanto (legyndarne kunkuryncbandy wolfōw wyciepali nale co to pōmŏgŏ, kej sie tam porzōnd mogymy dowiedzieć bez tyn przikłŏd, iże pandymijŏ covid-19 sztartła na micie grudnia 2019, iże znoki pojawjeńo śe czowjeka uoddykńynto... i inksze take gupoty). Mōmy z Wikipedyjōm srogi, ale richtig srogi problym, gynau jak Szkoty i tak jak ôni terŏzki medykujōm, co majōm ze swojim projektym zrobić, tak i to pseudoślōnske (szlezjyrske? silezjańske?) cosi by trza było dokumyntnie przekopać... Tak by tak autorytet to niyma żŏdyn :( Gaj777 talk 21:15, 4 March 2021 (UTC)
- Mŏsz recht, jeżech rŏd, że sie rozumiymy. Prawie piszã tekst na Wachtyrza z tytułym Z „Lelynij Gōry“ do „Grinbergu“, abo pojakymu muszymy z tōm Wikipedyjōm yntlich cosi zrobić z przikładami z naszyj dyskusyje, bo chca trochã larma kole tego tymatu zrobić. Niy idzie ô to, abych krytykowoł ciebie abo jakigo inkszego używŏcza, ale ô to pokŏzać, jak niybezpieczny ajnflus poradzi mieć ta wiki, kej sie piytnŏście lŏt reprodukujōm take niyzweryfikowane gupoty, i że my tak jak Szkoty potrzebujymy Big Wiki Rewrite ;) Gaj777 talk 12:22, 5 March 2021 (UTC)
Mapa Górnego Śląska
[edit]Witam, jako że też zajmujesz się robieniem map Śląska chciałem poprosić cię o zrobienie mapy Górnego Śląska w stylu tej od Gaj777, na której będzie inny dobór miejscowości. Mianowicie proponuję, żeby (oprócz miast) były na niej tylko wioski, które mają powyżej 1000 mieszkańców, ewentualnie te, które są siedzibami gmin. Zrobiłbym to sam ale nie potrafię robić grafik. Więcej informacji na mojej stronie dyskusji i u Gaj777. Mam nadzieję na pozytywne rozpatrzenie mojej prośby. --Konkorot (talk) 19:30, 12 April 2021 (UTC)
Karta Ksiynstwa Ślōnska we XII stoleciu
[edit]Pyrsk,
dziynki za Twojŏ robota. Porōwnuja sie akurat File:Ustawa sukcesyjna Bolesława Krzywoustego.jpg i File:Karta Ksiynstwa Ślōnska (XII stolecie).svg. Wiysz może czamu Ksiynstwo Ślōnska mo sam kōnsek inkszy kształt? Bo wadzi ta rōżnica trocha we artiklu na szl.wiki szl:Ksiynstwo Ślōnska. Jak mosz czas to dej znać, trzim sie! Krol111 (talk) 20:59, 7 March 2024 (UTC)
.svg){kind=link}