File:Donación de Jimena Díaz a la catedral de Valencia 1101.jpg

Español: Donación de Jimena Díaz del diezmo de todos sus bienes a la catedral de Valencia el 21 de mayo de 1101. Véase Ramón Menéndez Pidal, «Autógrafos inéditos del Cid y de Jimena en dos diplomas de 1098 y 1101», Revista de Filología Española, t. 5, 1918. Madrid, Sucesores de Hernando, 1918. Copia digital: Valladolid, Junta de Castilla y León. Consejería de Cultura y Turismo. Dirección General de Promociones e Instituciones Culturales, 2009-2010. Original en Archivo de la Catedral de Salamanca, caja 43, leg. 2, n.º 71.
Texto: Principium scripti maneat sub nomine Christi. Ego denique Eximina Didez, inspirante me divina clementia, nullius cogentis imperio nec suadentis articulo, sed propria atque spontanea mea voluntate, una cum consensu filiis atque filiabus necnon et meis bonis hominibus, facio hunc titulum scriptionis et donationis ad honorem Dei et beate Marie semper virginis Valentine sedis. Concedimus Deo et gloriose Dei genitricis predicte atque patroni nostro domino Jeronimo pontifici eiusque successoribus, pro remedium anime domini et viri mei Ruderici C[a]mpidoctoris sive pro remedium anime mee vel filiis atque filiabus et nepotibus meis, non solum illis decimis quem predictus dominus et vir meus donavit, sed remota omni occasione adimpleta decima pars omnium rerum quem adquisiero per totum meum honorem, quam modo e[g]o et filiis vel filiabus et nepotibus meis abemus vel deincebs per terra sive per mare, auxiliante Deo, adquisituri sumus. In primis de pane et vino, oleo vel ficus, de ortif et arboribus vel omnia quem tellus fruifera profert, aduc etiam de molendinis et valneis, de tendis vel tavernis, de alfondicis vel de domibus, de furnis sive de illas maximas et minimas alkabalas; insuper et de quinta pars quam usum visumque est accipere de meis hominibus, vel etiam de omnibus rebus, tam de foris quam et de intrinsecis, meis urbibus vel castris maximis et minimis adquisituri sumus, damus Deo et predicte Dei gennitricis et omnibus sanctis eius, et patri nostro reverentissimo Jeronimo episcopo eiusque successoribus donanda concedimus. Ideo ego prefata Eximina hec omnia libenti animo do et iuro, filiis filiabusque et nepotibus meis iurare atque firmare precipio, ut quamdiu vita vixero et honorem tenuero, ita adimpleuo in omnibus, sicut promisi Deo et matri nostre ecclesie. Quando autem eis istum honorem dimisero ipsis meis filiis et filiabus, hoc totum prescriptum adimpleant, quemadmodum Deo iurabimus et promisimus. Et non tantummodo ego et filiis vel filiabus meis ista donaria Deo concedimus, sed et nostris principibus, qui nostro iure sunt constituti, simili modo illut quod ex nobis tenent in eorum hereditario decimis Deo promittunt atque concedunt. Nos autem non solum hanc paginam firmamus, sed et aliis privilegiis quos dominus et vir meus Rudericus donavit atque firmabit, et nosmed ipsas paginas firmabimus, et filiis vel filiabus, et principibus nostris firmare precepimus; et ut firme permaneant propriis nostris manibus presignabimus. Quod siquis diabolico instinctu vel aliqua contra hec nostra dona venire ad disrumpendum temptaverint, c. libras auri cogantur persolbere pontifici vel ecclesie; et ut que temptaverint se posse minime adimplere confidant, precamur episcopum quatinus eos gladio anathematis ferias et animadversionis ultime iaculo districte confodiat. Ego Jeronimus, Valentine ecclesie episcopus, cum omnibus clericis mihi subditis, auctoritate Dei patris omnipotentis et Filii et Spiritus Sancti et beate Marie semper virginis, et beatorum apostolorum Petri et Pauli a Deo divinitus nobis per eos eorumque successores potestate collata, excomunicamus et anathematizamus et separamus a sinu matris nostre eclesie, et ab omni consorcio christianorum sequestramus, et iungimus diabolo et satellitibus eius, omnes homines utriusque sexus qui his sacris institutis rebelles vel inobedientes obstiterint, donec resipiscant et digne Deo et sancte ecclesie et nobis vel successoribus nostris satisfacian. Facta cartula huius donationis .XII. kalendas iunii, era .T.CXXXVIII, anni domini nostri Ihesu Christi .Mº.Cº.Iº. Deus verus. Ego Eximina predicta, qui hanc paginam fieri iussi, manul mea fircmabi./Ranimirus, roborat. Munio, roborat. Fredinando, roborat./ Petrus, confirmans. Rudericus, confirmans. Sancius, confirmans. / Pelagio, testis. Didaco, testis. Nunno, testis.
Martinus scripsit