File:2022-04-23 Pilzzucht in Fatuquero.jpg

Tetun: 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐓𝐚𝐮𝐫 𝐌𝐚𝐭𝐚𝐧 𝐑𝐮𝐚𝐤 𝐕𝐢𝐳𝐢𝐭𝐚 𝐆𝐫𝐮𝐩𝐮 𝐊𝐫𝐢𝐚𝐭𝐢𝐯𝐮 𝐏𝐫𝐨𝐝ú𝐳 𝐀𝐢𝐤𝐮𝐥𝐚𝐭-𝐌𝐮𝐭𝐢𝐧, 𝐀𝐝𝐮𝐛𝐮𝐬 𝐧𝐨 𝐀𝐭𝐢𝐯𝐢𝐝𝐚𝐝𝐞 𝐇𝐨𝐫𝐭𝐢𝐤𝐮𝐥𝐭𝐮𝐫𝐚 𝐢𝐡𝐚 𝐄𝐫𝐦𝐞𝐫𝐚

𝐃𝐢𝐥𝐢, 𝐥𝐨𝐫𝐨𝐧 𝟐𝟑 𝐟𝐮𝐥𝐚𝐧-𝐚𝐛𝐫𝐢𝐥, 𝐭𝐢𝐧𝐚𝐧 𝟐𝟎𝟐𝟐 – Sua Eselénsia Primeiru-Ministru Taur Matan Ruak, akompañadu hosi Reprezentante WFP iha Timor-Leste, Dageng Liu, no Sekretariadu Sun Moviment Timor-Leste, Dr. Filipe da Costa no Diretor SASCAS, iha sábadu fim de semana kotuk, hala’o vizita traballu ida ba munisípiu Ermera, hodi observa progresu serbisu grupu kriativu tolu iha Ermera hanesan Grupu Kriativu produz Ai kulat Mutin, Grupu Prodúz Adubos no Grupu Hortikultura, ne’ebé hetan apoiu fundus hosi Gabinete Apoiu Sosiedade Sivíl-Gabinete Primeiru-Ministru nian no Programa Ai-han Mundial (WFP). “Ha’u konvida husi ha’u-nia kolega WFP, konvida husu SASCAS atu vizita grupu sira ne’ebé durante ne’e sira apoia, entaun ohin ami iha grupu IDOL ne’ebé manán premiu dala tolu ona, uluk ha’u sei Prezidente, foin daudaun segundu no terseira lugar entaun grupu sira ne’ebé ita bele dehan ne’e ezemplu ke bele fó inspirasaun ba grupu sira seluk iha fatin seluk bele tuir husi prinsípiu ita buka serbisu ba ita-nia an rasik no kria rasik mós serbisu ba ita nia maluk sira duké ita hein de’it husi Estadu, ne’e kontribuisaun sidadaun nian entaun ha’u kontente loos ohin mai hare sira-nia projetu sira ke ajuda hetan fonte rendimentu envés de husi kafé de’it bele ikan, modu, bua naga no sira seluk hanesan ohin ha’u vizita grupu kulat, ha’u admira loos ha’u gosta los kulat ba sosa iha supermerkadu afinal Ermera iha produsaun kulat i entaun maioria joven no ama sira ha’u kontente loos vizita sira ha’u espera katak sira atividade sira bele sai motivasaun no inspirasaun ba fali grau sira seluk iha Timor laran” dehan Xefe Governu ba Jornalista hafoin termina vizita. Fatin hanesan, Xefe de Grupu Inisiativa Dezenvolvimentu Ortikultura Rural, Jerónimo Barreto Soares, sente kontente ho prezensa Xefe Governu nian hodi fó motivasaun no korajem atu sira bele kontinua hakat liután ba oin. Atividade ne’ebé halo mak hanesan, ortikultura, aguakultura, hakiak ikan, pekuaria, preserva aí lokál, halo mitigasaun hodi hatán ba mudansa klimátika.

Enkuantu Xefe Grupu Ermera Ai kulat mutin Orgániku iha suku Fatukeru, Postu Administrativu Railaku Januário Goncalves, hateten sira nia Grupu harii iha 2018 mai husi inisiativa rasik tanba haree ba dezempregu no mal nutrisaun as iha Timor-Leste. “Ami haree hanesan ami nain hira iha rekursu uitoan ami bele liu husi siénsia uitoan ne’e ami aprende husi East Timor Coffe institutu hodi halo produsaun ba ai-kulit mutin hodi redúz ma nutrisaun no redúz dezempregu iha Ermera.